Eskola bizipenak

Eskolako bizipen eta oroitzapenak

 

Kaixo! Ainara Rodriguez naiz, 1998an Gasteizen jaiotakoa. Jarraian, txikitan izandako bizipen eta oroitzapen batzuk zuekin konpartituko ditut.

Txikia nintzenean, 7-8 urtekin, gimnastika erritmikoa egiteko apuntatu nintzen lagun batzuekin, dantzatzea asko gustuko bainuen. Ez nuen urte askotan praktikatu saskibaloia gehiago erakartzen ninduelako eta horretan aritu izan naiz hainbat urtetan. Baina esan behar dut, oso gustora egon nintzela kirol hau praktikatzen eta asko ikasi nuela kirol honetatik. Izan ere, kirol honetan elkarlana oso-oso garrantzitsua da eta lan-taldean ibiltzen ikasteko oso ondo etorri zitzaidan. Oroitzapen onak ekartzen  dizkit argazki hau. 

 

 

Argazki honetan ikusi dezakezuen buztinezko figura hau lehen hezkuntzako azken urtean egin nuen plastika ikasgaian. Eskulanak inoiz ez zaikit batere ondo eman baina esan beharra dago oso ondo pasatu nuela buztinarekin aritzen hau egiteko. Ikusi dezakezuen moduan zuhaitz honi ipini nion izena "Zuhaitz sorgindua" izan zen, momentuko gauza izango zela uste dut ez bainaiz arrazoiaz gogoratzen.

Argazki honetan ikusi dezakezuen moduan danborrada eguna zen, urtero eskolan ospatzen genuen ekitaldi bat. Argazki honetan 8-9 urte izango nituen eta garai honetan festa hau asko disfrutatzen nuen. Oroitzapen onak ekartzen dizkit argazki hau; izan ere, eguneroko errutinatik ateratzen ziren ekitaldiak edo ekintzak asko gustatzen zitzaizkidan, gainerako gelakideei bezalaxe. Oso motibagarriak iruditzen zitzaizkidan ekintza mota hauek eta oso ondo pasatzen nuen ikastola osoa danborrada abestia jotzen genuenean.

                                                                                                                                                                                   

Ikusi dezakegun argazki hau lehen hezkuntzako bigarren mailan kokatzen da. Urte hoietan irteera nahiko egiten genituen eta hau irteera batean ateratako argazkia da Urretxura joan ginenean. Egun oso bat igaro genuen etxetik kanpo ekintza desberdinak egiten. Animaliekin ibili ginen, batez ere erleekin. Haien erlauntzak ikusi genituen eta haien bizimodua azaldu ziguten. Baita ere, kandelak egiteko tailerra izan genuen, non hainbat kandela egin genituen. Oso oroitzapen onak ekartzen dizkit argazki hau. Izan ere, txikitako lagun batzuekin ateratzen naiz, zeintzuetako batzuekin kontaktua galtzen joan naiz handituz joan garen einean. Gainera, oso egun ona izan zen irteera honetakoa.

                                                                                                                                                                                             

Aurrean ikusten duzuen argazki honetan mozorrotuta agertzen gara ni eta nire klasekideak, sorginez mozorrotuta hain zuzen ere. Inauteriak hurbil zeudenean klasean bertan egiten genuen gure mozorroa eta asko gustatzen zitzaizkidan klase hoiek. Fijatzen bazarete, bi heldu agertzen dira argazki honetan. Horrek ez du esan nahi bi irakasle genituela, baizik eta urte honetan praktikatan zegoen neska bat izan genuela, oso jatorra alegia. Oso-oso gustora egon nintzen neska horrekin, oroitzapen oso onak ditut. Joan egin zenean pena handia eman zidala ondo gogoratzen dut, irakasleaz aparte berarengandik gauza berriak ikasten baigenituen.

Honako argazki hau ikastolako jaialdian kokatzen da, lehen hekuntzako hirugarren urtean. Uda heltzean zegoenean egiten zen jaialdi hau eta oso-oso ondo pasatzen nuen. Ekintza mota desberdinak egiten ziren egunean zehar, larunbata izaten zen, eta hoietako bat antzezleku baten gainean dantzatzea zen. Asko gustatzen zitzaidan dantza egitea eta urtero apuntatzen nintzen, nahiz eta denen aurrean dantzateak lotsa asko ematen zidan. Dantza guk asmatzen genuen eta patio ordu guztietan praktikatzen genuen. Batzuetan zailtasunak sortzen ziren taldearen barnean baino haietatik irteten jakin behar genuen dantza aurrera atera ahal izateko. Oroitzapen oso onak ekartzen dizkit argazki hau ere. 

 

Ondorengo argazki honek eskolarekin egindako txango bati dagokio, hain zuzen ere, baserri-eskola batera egin genuen txangoari (Lapurriketa). Irteera hau haur hezkuntzako azken urteetan egin genuen, 2003.urtean hain zuzen ere. Maila berdinean geunden klase guztiak joan ginen eta oso oroitzapen positiboak ekartzen dizkit argazki hau. Egun osoa igaro genuen han eta mota askotako ekintzak burutu genituen. Argazkian ikusi dezakezuenez ogia egitea izan zen hoietako bat eta dibertigarrienetakoa, hau da, sukaldaritza.

Honako argazki honek eskolarekin egindako txango bati dagokio, mendira egin genuen txango bati, hain zuzen ere. Horrelako irteera gutxi egiten genituen ikastolarekin, baina gutxi hoien oroitzapen oso onak ditut. Izan ere, horrelako ekintzak egiten genituen klasean emandako teoria praktikara eramateko modu oso egokia zena gauza berriak ikasteko edo modu desberdin batean ikasteko. Adibideetako bat izan daiteke zuhaitz mota desberdinak ikustea eta haiek desberdintzen saiatzea, baita hostoak ere. Argazki hau Udazkenean ateratakoa da eta hori dela eta, gaztainak hartzen ibili ginen. Eguneroko jardueretatik at zeuden ekintzak asko gogoko nituen, gauza berriak ikustea, ikastea, etab.

Aurrean ikusten duzuen argazki honetan mozorrotuta agertzen naiz, Txinatarrez hain zuzen ere. Garai hauek asko gustoko nituen, izan ere, lehen aipatu dudan moduan klasean egiten genituen mozorroak eta oso ondo pasatzen nuen. Irakasleak hainbat txoko antolatzen zituen klasean mozorroaren atal desberdinak egiteko. Batean adibidez, txanoak egiteko, bestean ordea, kamisetan ikusi dezakezuen marrazkia margotzeko eta abar. Honen bidez, elkarlana lantzen genuen denon artean laguntzen baiginen eta erritmo bera eramaten genuen. 

Azken argazki honetan ere mozorrotuta agertzen naiz nire gelakideekin, hain zuzen ere behiz mozorrotuta. Inauteri hauek ondo gogoratzen ditut barre ugari egin baigenuen mozorroarekin. Ikusi dezakezuenez urtero mozorroak aldatu egiten ziren, ikastolan gai bat jartzen zen eta gela bakoitzak bere mozorroa egiten zuen. Ondoren gela guztiak patiora atertazen ginen eta dantza bat egiten genuen patioan, zeinetara gurasoak etortzen ziren ikustera eta guri argazkiak ateratzera. Oroitzapen oso onak ekartzen dizkit argazki hau. 

Hauek izan dira eskolan txikitan izan ditudan oroitzapen eta esperientzia batzuk. Zuen gustokoak izatea espero dut, eskerrik asko!